O álbum ‘Miña almiña’, xa dispoñible en formato físico
Por fin ve a luz o noso primero traballo discográfico “Miña Almiña” cun resultado que non pode emocionarnos máis.
O álbum foi producido por Gonso Pedrido quen conseguiu potenciar ao máximo as nosas interpretacións a través dunha sonoridade suxerinte e chea de matices.
Fixemos unha tirada exclusiva e limitada en formato físico coidando que os materiais foran sostibles e sen envoltorio plástico. Podedes adquirilo AQUÍ.
O deseño é da ilustradora Laura Cochón e quedou moi bonito. O libriño do disco trae os poemas de Rosalía en galego e traducidos ao inglés por Erín Moure e publicado por Jonathan Dunne na súa editorial SmallStations Press que moi amablemente nos cederon as súas traducións do poemario Follas Novas. O resto dos textos foron traducidos por Keith Payne.
Moitísimas gracias a todas as que colaborastes pola vosa axuda e a todas as que nos apoiades e escoitades, sen vós este disco non sería posible.
